यात्रुबाहक बस धनकुटाको कोलबोटे क्षेत्र नजिक दुर्घटना हुँदा १२ जना घाइते

धरान २२ जुन । झापाको काँकडभिट्टाबाट धनकुटातर्फ जाँदै गरेको यात्रुबाहक बस धनकुटाको कोलबोटे क्षेत्र नजिक दुर्घटना हुँदा १२ जना घाइते भएका छन् ।

प्राप्त प्रारम्भिक जानकारी अनुसार प्रदेश १–०१–००१ ख ४२२१ नम्बरको ‘मातृ भाग्य रेखा’ यात्रुबाहक बस धनकुटाको कोलबोटेभन्दा माथि कार्कीछाप क्षेत्र नजिक सडकमा ठोकिएर दुर्घटना भएको हो । दुर्घटनामा ८ जना वयस्क र ४ जना बालबालिका गरी कुल १२ जना घाइते भएका छन् ।
सवारी चालक कन्याई झापाका ३९ बर्षीय जीवन चौलागाईले सवारी दुर्घटनामा सवारी यात्रुबाहेक बसबाट हामफल्नेहरु घाइते भएको बताउनुभएको छ ।
उहाँका अनुसार घाइते यात्रुहरू दुर्घटनापछि उद्धार गरी उपचारका लागि धरानस्थित बीपी कोइराला स्वास्थ्य विज्ञान प्रतिष्ठानको आकस्मिक ल्याइएको छ । उपचारमा संलग्न चिकित्सकहरुले घाइतेहरुको उपचारमा कुनै कसुर बाँकी नरहेको जनाएको छ । दुर्घटना हुने जानकारी आउनसाथ प्रतिष्ठानका आकष्मिक कक्षका चिकित्सकहरु अलर्ट भएर बसेको प्रतिष्ठानका चिकित्सकले बताएका छन् ।

प्रहरीलेले समेत बसको ब्रेक भएर दुर्घटना भएको जनाएको छ । घाइतेहरूको पहिचान तथा स्वास्थ्य अवस्थाबारे विस्तृत विवरण आउन बाँकी रहेको प्रहरीले जनाएको छ ।