छैटौँ यमरी उत्सव मङ्सिर २७ देखि २९ गतेसम्म धरान–३

धरान । नेवार समुदायको मौलिक परिकार यमरी र सांस्कृतिक पहिचानको संरक्षण–प्रवद्र्धन गर्ने उद्देश्यले धरानमा छैटौँ यमरी उत्सव भव्य रूपमा सुरु भएको छ । मङ्सिर २७ देखि २९ गतेसम्म चल्ने यो उत्सव धरान–३ अन्तर्गत शंखरधर साख्वा, चन्द्रपुर बजार, चिनियाँ चोक र जल्पा रोड क्षेत्रमा उत्सव सञ्चालन रहेको छ ।
उत्सवको उद्घाटन कोशी प्रदेशका पर्यटन, वन तथा वातावरण मन्त्री षडानन्द मण्डल ले गर्नुभयो । उद्घाटन समारोहलाई सम्बोधन गर्दै उहाँले नेपाल बहुभाषिक, बहुसांस्कृतिक र विविध भेषभूषायुक्त देश भएको उल्लेख गर्दै नेवार समुदायले नेपालको निर्माण र सांस्कृतिक पहिचानमा पु¥याएको ऐतिहासिक योगदानको स्मरण गर्नुभयो । प्रदेश सरकारले भाषा, भेषभूषा र संस्कृतिको जगेर्नामा निरन्तर पहल गरिरहेको उहाँको भनाइ थियो ।
मन्त्री मण्डलले यमरीलाई नेवार संस्कृतिको सशक्त प्रतीकका रूपमा चित्रित गर्दै पर्यटन विकासका लागि संस्कृति, प्रकृति र विकास—यी तीनै पक्षको सन्तुलित प्रवद्र्धन आवश्यक रहेको बताउनुभयो ।
उत्सवको आकर्षणका रूपमा ५ फिट अग्लो यमरीसहितको ¥यालीले धरानका मुख्य बजार परिक्रमा गरेको थियो । उत्सवस्थलमा विशाल यमरीलाई आकर्षक ढंगले सजाएर राखिएको छ । तीन दिनसम्म चल्ने कार्यक्रमअन्तर्गत घर–घरमा यमरी राख्ने परम्पराको प्रदर्शन, सांस्कृतिक झाँकी, नेवारी नाच–गान, परम्परागत भेषभूषा शोकेस र नेवारी खानाका स्टलहरू सञ्चालनमा छन् ।
यःमरी पुन्ही नेवार समुदायको महत्वपूर्ण पर्व हो । यस उत्सवले स्थानीय संस्कृति जगेर्ना, परम्परा संरक्षण र समुदायगत पहिचानलाई थप मजबुत बनाउने विश्वास आयोजक पासा ः खल धरानले लिएको छ ।
उत्सवकै अवसरमा नेवार समुदायका सामाजिक व्यक्तित्वहरू— ब्लाष्ट दैनिकका कार्यकारी सम्पादक भोजराज श्रेष्ठ, डाक्टर सन्दीप बज्राचार्य तथा फुटबलका लेजेण्ड राजु काजी शाक्य—लाई विशेष सम्मान गरिएको आयोजकले जनाएको छ।